لاہور ( این این آئی)پولیس کا جعلی شیمپو بنانے والی فیکٹری پر چھاپہ، مالک سمیت 5 ملزمان گرفتار کرکے بڑی مقدار میں خام اور تیار مال برآمد کرلیا گیا۔پولیس کے مطابق مختلف برانڈز کے جعلی شیمپو بنانے والے پانچ ملزمان خان زمان، بلال، سمیع الحق، عتیق اللہ اور محمد طاہر کو گرفتار کیا گیا ہے۔ ملزمان نے راوی روڈ پر کرائے کے مکان میں جعلی شیمپو بنانے والی فیکٹری بنا رکھی تھی۔پولیس نے اطلاع ملنے پر کارروائی کی اور مالک خان زمان سمیت تمام افراد کو گرفتار کرلیا۔پولیس نے فیکٹری سے بڑی مقدار میں خام مال، مختلف برانڈز کی تیار سینکڑوں شیمپو کی بوتلیں اور مشینری قبضے میں لے لی۔ایس ایچ او شفیق آباد رانا شاہد کے مطابق ملزمان کے خلاف مقدمہ درج کرلیا گیا۔