اسلام آباد(مانیٹرنگ ڈیسک) پاکستان تحریک انصاف کے سابق مرکزی رہنماء و سینئر سیاستدان مخدوم جاوید ہاشمی نے کہا ہے کہ میں سیاست کروں گا تو صرف پاکستان مسلم لیگ (ن) کے پلیٹ فارم سے کروں گا ورنہ میں ہمیشہ کیلئے سیاست کو خیر باد کہہ دوں گا۔ملتان میں امن یلی سے خطاب کرتے ہوئے جاوید ہاشمی کا کہنا
تھا کہ اسمبلیوں کو اپنی مدت 2018 ء تک پوری کرنی چاہئے ۔ پارلیمنٹ ایک بالادست ادارہ ہے اور اگر عمران خان چاہتے ہیں تو وہ خیبر پختونخواہ اسمبلی توڑ سکتے ہیں۔جاوید ہاشمی نے کہا میرے (ن) لیگ سے معاملات طے ہو چکے ہیں اور میں آئندہ چند دنوں میں شمولیت کا باقاعدہ اعلان کر دوں گا۔
