بنی گالہ(این این آئی)پاکستان تحریک انصاف کے سربراہ عمران خان نے کہا ہے کہ نواز شریف کے پاس نہ ثبوت ہیں اور نہ ہی ساری دولت کا جواب ہے ٗچاہتے ہیں کیس کا فیصلہ سپریم کورٹ کا یہی پانچ رکنی بینچ کرے ٗ ملکیت تسلیم کرنے کے بعد فلیٹس، کمپنیوں کا جواب دینا ہوگا ٗ عدالت نے شریف فیملی سے ثبوت مانگ
لئے ہیں ٗ اب ججز سوال کرینگے ۔ منگل کو بنی گالہ میں میڈیا سے بات کرتے ہوئے عمران خان نے کہا کہ نعیم بخاری اور وکلا کی ٹیم کو مبارکباد دیتا ہوں ٗہمارے وکلا نے پوری تیاری کی ہوئی تھی تاہم اب نا صرف نواز شریف بلکہ ان کے وکلا کو بھی بہت سے سوالوں کا جواب دینا پڑ ٗ اب ججز شریف فیملی سے سوال کریں گے۔
انہوں نے کہاکہ میرے ساتھ لوگ نہ نکلتے تو پاناماکیس دب جاتا، تحریک انصاف نے جو کام کرنا تھا کردیا جبکہ وزیراعظم نے قوم اور پارلیمنٹ سے جھوٹ بولا، ثابت ہوگیا کہ نواز شریف کے پاس اپنی دولت سے متعلق نا تو کوئی ثبوت ہے اور نا ہی جواب۔عمران خان نے کہا کہ ملکیت تسلیم کرنے کے بعد فلیٹس، کمپنیوں کا جواب دینا ہوگا، عدالت نے شریف فیملی سے ثبوت مانگ لیے ہیں اور اب ججز شریف فیملی سے سوال کریں گے۔
انہوں نے کہا کہ حسین نواز نے 5 سال میں 74 کروڑ وزیراعظم کو بھیجے اور ان پر ٹیکس نہیں دیا جو منی لانڈرنگ کے زریعے بھیجے گئے ٗمنی لانڈرنگ کا پیسہ باہر سے دھل کرواپس آیا ٗ 99 میں حسن نواز طالب علم تھا ٗ گلف اسٹیل بھی نقصان میں تھی تو پیسہ کہاں سے آیا۔سربراہ تحریک انصاف عمران خان نے کہا کہ
میری درخواست ہے کہ کیس کا فیصلہ یہی بینچ کرے، بینچ اس کیس کا فیصلہ کرنے کا اہل ہے اور ان کے پاس اتنی چیزیں آچکی ہیں کہ ٗ میں مزید کچھ نہیں کہہ سکتا کیونکہ ہم بینچ کا احترام کرتے ہیں۔ انہوں نے کہاکہ سارا پاکستان گزشتہ 8 ماہ سیاس کیس میں پھنسا ہواہے ٗ اس دوران نواز شریف مزید افتتاح کردیں گے اور اربوں
روپے کے پل اور سڑکیں بنادیں گے اور کوئی بھروسہ نہیں کہ وہ اپنے آپ کو بچانے کیلئے ڈونلڈ ٹرمپ کو نہ بلالیں۔
