کراچی(این این آئی)مرکزی رویتِ ہلال کمیٹی پاکستان کے چیئرمین مفتی منیب الرحمن نے اعلان کیا ہے کہ ماہِ ربیع الاول1438ھ کے چاند کی رویت کا شرعی فیصلہ کرنے کے لئے مرکزی رویتِ ہلال کمیٹی پاکستان کااجلاس آج( بدھ) 30 نومبرکو بعد نمازِ عصر دفتروزارتِ مذہبی امور اسلام آباد میں منعقد ہو گا۔انہوں نے کہاکہ چاند کے بارے میں شہادت دینے یا معلومات فراہم کرنے کے لئے ان نمبروں پر 0300-9285203،02199261404،02199261403
0519208673،03332697051 رابطہ کریں
دوسری جانب پاکستان سمیت دنیا بھر میں عاشقوں کی عید عید میلاد النبی ﷺ منانے کی تیاریاں شروع کی جاچکی ہیں اور عاشقان مصطفیٰ ﷺ اپنے بھر پور مذہبی جوش و جذبے کے ساتھ نبی کریم ﷺ کی آمد کا میلاد منانے کیلئے تیار ہیں ۔
یوں تو بچے بڑے بوڑھے سب ہی درود و سلام کے نذرانے حضور سرور کائنات فخر موجودات جناب نبی کریم ﷺ پر ہر وقت بھیجتے رہتے ہیں تاہم ماہ ربیع الاول وہ خاص مہینہ ہے جس میں آقا کریم ﷺ سے محبت و عقیدت کو ایک نئی جلا ملتی ہے ۔