لاہور (آئی این پی) صوبائی وزیر قانون رانا ثناء اللہ خان نے کہا ہے کہ ملک میں 2نومبر کے بعد اب جمہو ری سسٹم کو کوئی خطر ہ نہیں ‘نئے آرمی چیف بھی جمہو ری نظام کو مضبوط کر یں گے اور دہشت گردی کے خلاف آپر یشن ضرب عضب کو اسکے انجام تک پہنچائیں گے‘ پیپلزپارٹی تحر یک انصاف کی طر ح دھمکیوں کی بجائے مثبت سیاست کر یں ‘پیپلزپارٹی کو کر پشن نے سب سے زیادہ نقصان پہنچایا ہے پیپلزپارٹی کی کر پشن کی دنیا میں کوئی اور مثال نہیں ملتی ‘پیپلزپارٹی خود کوسیاسی طور پر زندہ رکھنے کیلئے احتجاجی سیاست کر نا چاہ رہی ہے ‘ صوبائی خزانہ پر وزراء کے اخراجات کیلئے بھی بہت سے بوجھ ہیں مگر آئین وزیراعلی کو کابینہ میں ضرورت کے مطابق اضافے کی اجازت دیتا ہے ‘پنجاب کابینہ ابھی بھی کم ہے ‘وزیر اعلی شہبازشریف صرف میرٹ کی بات کرتے ہیں اور صوبائی کو اپنے علاقوں کے افسران کے تبادلوں کے نہیں میرت کے مطابق ہی اختیارات ملیں گے ۔

پنجاب اسمبلی کے احاطے میں میڈیا سے گفتگو میں صوبائی وزیر قانون رانا ثناء اللہ خان نے کہ پنجاب کابینہ میں وزراء کے محکموں میں ردبدل کی جائیگی اور وزراء کواپنے محکموں میں ریفامز سمیت تمام معاملات کو بہتر بنانے کیلئے مکمل اختیار ہوں گے اور ہم نے آئندہ انتخابات کی تیاری شروع کر دی ہے اور ڈیڑھ سالوں میں دن رات عوام کی خدمت کر یں گے اور عوام کے مسائل کو مکمل طور پر حل کیا جائیگا۔ ایک سوا ل کے جواب میں رانا ثناء اللہ خان نے بدترین کر پشن کی وجہ سے پیپلزپارٹی کو نقصان ہوا ہے اور اب وہ سمجھتے ہیں انکی پوزیشن کمزور ہو چکی ہے اور وہ احتجاج کی دھمکیں دے رہے ہیں مگر انکو چاہیے کہ وہ تحر یک انصاف کی طر ح احتجاج کی دھمکیوں کی بجائے مثبت سیاست کریں اس میں ہی پیپلزپارٹی والوں کابھی فائدہ ہوگا ۔

انہوں نے کہا کہ نئے آرمی چیف بھی فوجی آپر یشن ضرب عضب مکمل کر یں گے اور ملک بھی مضبوط ہوگا ۔ انہوں نے کہا کہ لاک ڈاؤن اور دھر نے میں ہونیوالے نقصان کا ازالہ کر نے کی ضرورت ہے اور (ن) لیگ کی اب پنجاب میں پارٹی کو مزید مضبوط بنانے اور عوامی مسائل حل کر نے پر توجہ مر کوز ہو چکی ہے صوبے میں قبضہ مافیا ‘غنڈوں اور اشتہاریوں کو انصاف کے کٹہرے میں لائیں گے ۔