کراچی (این این آئی)آل ان ون،پاکستان کی انوکھی ایجاد، نائیجریا،عراق ،سعودی عرب سمیت خریدنے والے ممالک کی لائن لگ گئی،چیف پروجیکٹ ڈائریکٹر وژن پاکستان ایئرفورس ایئرکموڈور فضل محمود نے کہا ہے کہ نائیجریا،عراق اور سعودی عرب سمیت دیگر ممالک نے ریڈار سسٹم کی خریداری میں دلچسپی ظاہر کی ہے ۔

جمعہ کو ایکسپو سینٹر کراچی میں میڈیا سے گفتگو کرتے ہوئے ایئرکموڈور فضل محمود نے کہا کہ ہمارے پاس مختلف اقسام کے ریڈار ہیں جو ملکی حدود کی نگرانی کرتے ہیں۔ان سب ریڈار کو ایک جگہ یکجا کرنا بڑا چیلنج ہوتا ہے۔پاکستان نے اب یہ سسٹم خود بنایا ہے جو دیگر ممالک کے ساٹم سے بہت بہتر ہے۔اس سسٹم میں وقت کے ساتھ ساتھ بہتری بھی لا رہے ہیں۔انہوں نے کہا کہ ہم نے یہ سسٹم دوست ملک اردن کو دیا ہے ۔ایسا ممکن نہیں ہے کہ کوئی طیارہ ہماری حدود میں آئے اور ہمیں خبر نہ ہو ۔

موضوعات:ایجاد پاکستان سعودی عرب عراق نائیجریا