کراچی (این این آئی) پی آئی اے ، یونائیٹڈ بینک لمیٹڈ اور کریڈٹ سوئس سنگا پور آفس کے درمیان قومی ایئر لائن کیلئے130 ملین امریکن ڈالر کے قرضہ کے حصول کیلئے مذاکرات کامیابی سے طے پا گئے ہیں۔ معاہدے پر دبئی میں دستخط کئے گئے۔
قرضہ دینے والو ں میں کریڈٹ سوئس، یونائیٹڈ بینک لمیٹیڈ اور نیشنل بینک آف پاکستان شامل ہیں۔ بین الاقوامی مالیاتی اداروں کی جانب سے اس قرضہ کی منظوری پی آئی اے کے آپریشنز پر اعتماد کا اظہار ہے۔ یہ قرضہ پی آئی اے کے عمومی اخراجات اور مسافروں کیلئے سہولیات میں اضافہ کیلئے استعمال کیا جائے گا۔
