اسلام آباد(آئی این پی)تحریک انصاف کے چیئرمین عمران خان سے اسلام آباد میں قائم برطانوی ہائی کمیشن میں برطانوی وزیرخارجہ بورس جانسن سے ملاقات کی جس میں پاک برطانیہ تعلقات،خطے کی صورتحال اور باہمی دلچسپی کے امور پر تبادلہ خیال کیا گیا۔ذرائع کے مطابق جمعرات کو عمران خان نے برطانوی وزیرخارجہ بورس جانسن سے ملاقات کی ۔
اس موقع پر شاہ محمود قریشی اور جہانگیرترین بھی موجود تھے۔ملاقات میں پاک برطانیہ تعلقات ،خطے کی صورتحال اور باہمی دلچسپی کے امور پر تبادلہ خیال کیا گیا۔برطانوی وزیرخارجہ ان دنوں پاکستان کے دورے پر ہیں،ملاقات کا اہتمام اسلام آباد میں قائم برطانوی ہائی کمیشن میں کیا گیا۔برطانوی وزیرخارجہ بھی عمران خان کے چاہنے والے نکلے اس موقع پر انہوں نے عمران خان کے ساتھ اپنے موبائل میں سیلفی بھی لی
