اسلام آباد(مانیٹرنگ ڈیسک) وفاقی حکومت نے ہجرت کرکے آنے والے نایاب پرندے ’ہوبارا بسٹرڈ‘ کے شکار کے لیے قطری شہزادے حماد بن جاسم جابر الثانی سمیت دیگر افراد کو خصوصی اجازت نامے جاری کردیے۔مقامی اخبار کے مطابق پنجاب میں شکار کے موسم 2016-17کیلئے خصوصی اجازت نامنے جاری کیے گئے ہیں حالانکہ یہ پرندہ عالمی تحفظ کی فہرست میں شامل ہے ۔ذرائع کے مطابق شہزادہ حماد کے شکار کے لیے جو علاقے مختص کیے گئے ہیں ان میں پنجاب کے ضلع بھکر اور جھنگ شامل ہیں اور انہیں 10 روز میں 100 پرندوں کا شکار کرنے کی اجازت دی گئی ہے۔ یہ پہلی بار نہیں کہ جب خصوصی اجازت نامہ قطری شہزادے کو جاری کیا گیا ہو۔
واضح رہے کہ لندن فلیٹس کے حوالے سے شریف خاندان کو خط دینے والے قطری شہزادے حمد بن جاسم نیب کے سابق چیئرمین سیف الرحمان کے پاکستان میں بزنس پارٹنر نکلے۔ دونوں کے درمیان ہونے والا کاروباری معاہدہ بھی منظر عام پر آ گیا ہے۔ ایک نجی ٹی وی کی رپورٹ کے مطابق کنسٹرکشن کمپنی Reco قطری شہزادے حمد بن جاسم کی ملکیت ہے۔ ریڈکو سے منسلک ریڈکو ٹیکسٹائل کے معاملات سیف الرحمان اور ان کا خاندان چلا رہا ہے۔ ریڈکو کی ویب سائٹ پر وزیر اعظم نواز شریف کی شہزادہ حمد بن جاسم کے ساتھ تصاویر بھی موجود ہیں۔ پورٹ قاسم کے مختلف منصوبوں میں شامل البرکۃ کمپنی بھی قطری شہزادے کی ملکیت ہے۔ وزیر اعظم کے تینوں نے بچوں نے سپریم کورٹ میں ایک نئی مشترکہ درخواست بھی دائر کر دی ہے۔ جس میں موقف اختیار کیا گیا ہے کہ تحریک انصاف نے عامیانہ الزامات لگائے ہیں۔