کراچی (این این آئی)حکومت سندھ نے این اے 258کے حلقہ انتخاب میں 24نومبر کوعام تعطیل کا اعلان کردیا اس سلسلے میں ہفتہ کے روز سرکاری نوٹیفیکیشن جاری کردیا گیا ہے۔ کراچی سے قومی اسمبلی کے اس حلقے میں مسلم لیگی رکن قومی اسمبلی عبدالحکیم بلوچ کے استعفیٰ کے باعث اس حلقے میں ضمنی انتخاب ہورہا ہے۔اس سے قبل برصغیر کے عظیم صوفی بزرگ حضرت سید علی بن عثمان الہجویری المعروف حضرت داتا گنج بخش کے 973 ویں سالانہ عرس مبارک اور چہلم حضرت امام حسین کے موقع پر کل ( پیر ) لاہور مین مقامی تعطیل کا اعلان کر دیا گیا۔ ضلعی حکومت کی طرف سے جاری کردہ نوٹیفکیشن کے مطابق کل ( پیر ) کے روز ضلعی ادارے اور سکول بند رہیں گے جبکہ سول سیکرٹریٹ اور صوبائی ہیڈ کوارٹر کھلے رہیں گے۔