لاہور( این این آئی)پیپلز پارٹی کے سینئر رہنما و سینئر قانون دان بیرسٹر اعتزاز احسن کو قیادت کی طرف سے پانامہ کیس میں تحریک انصاف کی وکالت کا گرین سگنل نہ مل سکا۔ذرائع کے مطابق اعتزاز احسن پانامہ کیس میں پی ٹی آئی کے وکیل نہیں بنیں گے اورپی ٹی آئی کے رابطوں پر اعتزاز احسن خود کو صرف مشوروں تک محدود رکھیں گے۔

بتایا گیا ہے کہ اعتزاز احسن نے اس حوالے سے پی ٹی آئی کے رہنماؤں کو آگاہ بھی کر دیا ہے ۔پیپلز پارٹی ذرائع کے مطابق اعتزاز احسن پانامہ کیس سپریم کورٹ میں لے جانے کے حامی نہیں تھے۔