اسلام آباد(مانیٹرنگ ڈیسک) نجی ٹی وی رپورٹ کے مطابق وزیر اعظم نواز شریف اور ترک صدر رجب طیب اردوان کی ملاقات کے دوران دونوں رہنماء مختلف موضوعات پر گفتگو کے ساتھ ساتھ نجی گفتگو کرتے بھی کرتے رہے۔ وزیر اعظم نواز شریف نے ترک صدر طیب اردوان کو کہا کہ میری بیٹی مریم کو سیاست میں بڑی دلچسپی ہے لیکن میرے بیٹے سیاست میں دلچسپی نہیں لیتے۔ ترک صدر نے نواز شریف کی بات کے جواب میں کہا کہ آپ کی بیٹی سیاست میں کامیاب رہے گی۔ ملاقات کے دوران وزیر اعظم نواز شریف اور ترک صدر طیب اردوان مختلف پہلوؤں پر ذاتی گفتگو بھی کرتے رہے اور ایک دوسرے کو مشورے بھی دیئے۔ ایک نجی ٹی وی کی رپورٹ کے مطابق ترک صدر اور وزیر اعظم نواز شریف کی گفتگو تمام پہلوؤں سے اہمیت کی حامل تھی۔