لاہور (مانیٹرنگ ڈیسک) لاہور ہائیکورٹ نے متنازعہ خبر کے لئے قائم تحقیقاتی کمشن کے خلاف دائر درخواست مسترد کر دی۔ چیف جسٹس سید منصور علی شاہ نے سماعت کی۔ عوامی تحریک کے سیکرٹری جنرل خرم نواز گنڈاپور کی طرف سے دائر درخواست میں موقف اختیار کیا گیا تھا کہ متنازعہ خبر کے لئے حکومت کی جانب سے بنائے جانے والے تحقیقاتی کمشن کی تشکیل درست نہیں۔

کمشن کو آرمی ایکٹ کے تحت بنانا چاہئے کیونکہ یہ قومی سلامتی کا معاملہ ہے۔ درخواست میں جسٹس (ر) عامر رضا خان کی سربراہی میں بننے والے کمشن کو کالعدم قرار دینے کی استدعا کی گئی تھی۔ حکومت کی جانب سے عدالت کو آگاہ کیا گیا کہ کمشن قانون اور آئین کے تحت بنایا گیا ہے۔

موضوعات:لاہور ہائیکورٹ