لاہور (مانیٹرنگ ڈیسک) محکمہ انسداد دہشت گردی پنجاب نے صوبہ میں دہشت گردی میں ملوث 111 دہشت گردوں کی ریڈ بک جاری کر دی۔ ان میں سے 96 ملزمان کا تعلق پنجاب، پانچ کا تعلق پشاور، تین کا جنوبی وزیرستان جبکہ دو دو کا تعلق گلگت بلتستان اور کراچی سے ہے۔ یہ دہشت گرد اعلیٰ سیاسی شخصیات پر حملوں کی کارروائیوں میں بھی ملوث ہیں۔

ملزمان سابق صدر پرویز مشرف، سابق وزیراعظم بے نظیر بھٹو، سابق وزیراعظم یوسف رضا گیلانی، فیصل آباد میں حساس عمارت پر حملہ، لاہور میں سری لنکن کرکٹ ٹیم پر حملہ میں بھی ملوث ہیں۔ سب سے زیادہ قیمت بہاولپور سے تعلق رکھنے والے مطیع الرحمان کے سر کی قیمت مقرر کی گئی ہے جو ایک کروڑ روپے کے قریب ہے۔

موضوعات:پنجاب دہشت گر دہشت گرد