کراچی(آئی این پی)گورنر سندھ جسٹس (ر) سعید الزماں صدیقی کی طبیعت ناساز مصنوعی طریقے سے اآکسیجن دی جارہی ہے۔ 2 روز قبل گورنر کے عہدے کا حلف اٹھانے والے جسٹس (ر) سعید الزماں صدیقی کی طبیعت اچانک خراب ہوگئی تھی جس کے بعد انہیں فوری طور پر نجی اسپتال منتقل کردیا گیا ہے۔ ذرائع کے مطابق 80 سالہ گورنر سندھ پھیپھڑوں کے عارضے میں مبتلا ہیں اور سینے میں انفیکشن بھی ہے جنہیں فوری طور پر آئی سی یو منتقل کردیا گیا ہے جہاں انہیں مصنوعی طریقے سے اآکسیجن دی جارہی ہے۔ترجمان گورنر ہاؤس کے مطابق گورنر سندھ سعید الزماں صدیقی کو سینے میں انفیکشن کے باعث نجی اسپتال منتقل کیا گیا جہاں انہیں انتہائی نگہداشت کے وارڈ میں رکھا گیا ہے۔واضح رہے کہ 14 سال تک گورنر شپ کے عہدے پر فائز رہنے والے ڈاکٹر عشرت العباد کی سبکدوشی کے بعد 11 نومبر کو جسٹس (ر) سعید الزماں صدیقی نے نئے گورنر سندھ کی حیثیت سے حلف اٹھایا تھا۔

موضوعات:گورنرسندھ سعید الزماں صدیقی