ملتان( آئی این پی)سینئر سیاستدان مخدوم جاوید ہاشمی نے کہا ہے کہ بھارت اور امریکہ اپنی تباہی کی طرف گامزن ہو چکے ہیں۔بھارتی گیدڑ بھھکیاں اور مذموم حرکتوں پر اقوام متحدہ بھارت کو لگام ڈالے۔بھارتی جارحیت کیخلاف پوری قوم متحد اور پاک فوج کے شانہ بشانہ ہے۔ ان خیالات کا اظہار انہوں نے پی پی کے سینئررہنماجہانگیربدر کے نماز جنازہ میں شرکت کے لیئے لاہور روانگی سے قبل اپنی رہائش گاہ پرمسلم لیگی رہنماؤں رانا عبدالغفارصدر پی پی 203 ، سینئر نائب صدر رانا تسلیم سے ملاقات کرتے ہوئے کیا۔ انہوں نے کہاکہ جہانگیر بدر جمہوریت پسند ، اعلی اخلاق کے مالک سیاسی رہنما تھے۔ جاوید ہاشمی نے کہا کہ بھارت کو در اصل سی پیک سے تکلیف ہو رہی ہے۔ اس لیے وہ سیخ پا ہے۔ ملک دشمن عنا صر ، بالخصوص بھارت کے لیئے سی پیک منصوبہ نا قابل برداشت ہے مگر پاکستان اب ترقی کی راہ پر گامزن ہو چکا ہے اور اب پاکستان کو ترقی یافتہ ملک بننے سے کوئی نہیں روک سکتا۔ ملک دشمن ناکام ہونگے۔

موضوعات:جاوید ہاشمی