کراچی(آئی این پی)کراچی کے مختلف علاقوں میں سابق صدر پرویز مشرف اور ایم کیو ایم پاکستان کے سر براہ فاورق ستار کی تصاویر اور انکے حق میں نعروں والے بینز لگادیئے گئے ۔پیر کو نجی ٹی وی کے مطابق کراچی شہر کی سڑکوں پر ایسے بینرز لگائے گئے ہیں کہ جیسے مستقبل کی سیاست میں اہم موڑ آنیوالا ہو۔کراچی پریس کلب کے باہر متحدہ قومی جرگہ پاکستان کے نام سے بینرز آویزاں کیے گئے ہیں،ان بینرز پر متحدہ پاکستان اور مشرف بھائی جان کے نعرے درج ہیں۔بینرز پر پرویز مشرف اور فاورق ستار کی تصاویر لگائی گئی ہیں،منجانب نوید شاہ نورانی کوآرڈینیٹر متحدہ جرگہ پاکستان لکھا ہوا ہے، بینرز پر متحدہ پاکستان اور مشرف بھائی جان کے نعرے درج ہیں۔