اسلام آباد(مانیٹرنگ ڈیسک)سینئرسیاستدان فیاض الحسن چوہان نے انکشاف کیاہے کہ وزیراعلی پنجاب نے پامانالیکس کے حوالے سے اپنے تمام کاغذات ایف بی آرسمیت تمام اداروں سے درست کرالئے ہیں ۔ایک نجی ٹی وی کے پروگرام میں گفتگوکرتے ہوئے فیاض الحسن چوہان نے کہاکہ مجھے ایک سینئرصحافی نے بتایاہے کہ شہباز شریف نے پانامہ لیکس کے حوالے سے ایف بی آر، انکم ٹیکس سمیت تمام اداروں میں اپنے کاغذات سیدھے کر لئے ہیں۔ان کاکہناتھاکہ اس صحافی کویہ سب حقائق شہبازشریف کے ایک قریبی ساتھی نے بتائے ہیں ۔فیاض الحسن چوہان نے اس موقع پروفاقی حکومت پرتنقید کرتے ہوئے کہاکہ نواز حکومت کی عادت ہے کہ یہ ٹمپرنگ کرتے ہوئے کاغذات بھی تبدیل کروا لیتی ہے۔ اور پاناما لیکس کیس میں بچنے کیلئے انہوں نے اسی طرح تمام کاغذات سیٹ کر لئے ہیں اور اب وہ ان کاغذات کو آگے پیش کر سکتے ہیں۔

Fayaz Ul Hassan Chouhan Reveals That Sharif… by aman57