ملتان(مانیٹرنگ ڈیسک) معروف متنازعہ ماڈل قندیل بلوچ اپنی وفات کے بعد بھی پوری طرح خبروں میں ہیں، تازہ ترین اطلاع کے مطابق ان کی قبر سے کچھ ایسی آوازیں آتی سنی گئی ہیں جن سے لگتا ہے گویا کوئی شدید کرب میں ہے، اہل علاقہ کے مطابق یہ آوازیں رات ڈیڑھ دو بجے آنا شروع ہوتی ہیں اور پندرہ بیس منٹ تک جاری رہتی ہیں-

ایک مقامی اخبارکی رپورٹ کے مطابق قبرستان کے قریب رہائش پذیر ایک شخص غلام نبی نے بتایا کہ پہلے تو اسے یہ وہم لگا لیکن جب اس نے کچھ دیگر لوگوں کے ساتھ جاکر قبرستان میں جاکر سنا تو یہ آوازیں قندیل بلوچ کی قبر سے آرہی تھیں- غلام نبی کے مطابق بعض اوقات تو آوازیں اتنی صاف آتی ہیں کہ لگتا ہے جیسے قبر کے اندر کوئی زندہ ہے-تاہم بہت سے اہل علاقہ نے اسے من گھڑت قرار دیا ہے اور کہا ہے کہ جن لوگوں کو یہ آوازیں سنائی دے رہی ہیں یہ ان کا وہم ہے۔