لاہور (نیوزڈیسک)وزیراعلیٰ پنجاب محمد شہباز شریف نے گوجرانوالہ میں7سالہ ایمان فاطمہ اور تاندلیانوالہ میں 8سالہ رضیہ کو مبینہ زیادتی کے بعد قتل کے واقعات کا سخت نوٹس لیتے ہوئے متعلقہ پولیس حکام سے رپورٹ طلب کر لی ہے۔
وزیراعلیٰ نے آر پی او گوجرانوالہ اور سی پی او فیصل آباد کو ہدایت کی ہے کہ ان واقعات میں ملوث ملزمان کو فی الفور گرفتار کر کے قانون کے مطابق سخت کارروائی عمل میں لائی جائے اور متاثرہ خاندانوں کو انصاف کی فراہمی ہر قیمت پر یقینی بنائی جائے۔وزیر اعلیٰ نے قتل کی جانے والی بچیوں کے اہل خانہ سے دلی ہمدردی اور تعزیت کا اظہار کیا ہے۔
