اسلام آباد (مانیٹرنگ ڈیسک) وفاقی وزیر داخلہ چودھری نثار علی خان آئندہ چند دنوں میں میڈیکل چھٹی پر بیرون ملک جانا چاہتے ہیں لیکن ملک میں درپیش صورتحال کے پیش نظر انہوں نے وزیراعظم سے ایکس پاکستان لیو کی درخواست نہیں کی ہے۔ میڈیارپورٹس کے مطابق
آئندہ چند دنوں میں اہم فیصلے ہونے جا رہے ہیں جس کے لئے ان کا ملک میں موجود رہنا ضروری ہے۔ ذرائع کے مطابق پمس میں ڈاکٹروں نے ان کو ہرنیا اور آنکھوں کے آپریشن کرانے کا مشورہ دیا تھا۔ وہ لاہور میں بھی اپنا میڈیکل چیک اپ کروا چکے ہیں انہیں فوری طورپر آپریشن کرانے کا مشورہ دیا گیا ہے لیکن وہ ملکی سیاسی صورتحال کے پیش نظر فوری آپریشن نہیں کرا سکے۔
