لاہور (آن لائن) قومی ایئرلائن ’’باکمال لوگ لاجواب سروس ‘‘ کا ایک اور کارنامہ کراچی سے اسلام آباد آنے والے مسافر کا سامان لاہور پہنچا دیا ۔ تفصیلات کے مطابق پی آئی اے کی پرواز پی کے 370 کے ذریعے کراچی سے اسلام آباد آنے والے مسافر ایڈووکیٹ ضمیر حسین اسلام آباد پہنچ گئے مگر ان سامان کو پی آئی اے کی دوسری پرواز 306 پر رکھ کر لاہور بھیج دیا گیا۔ پی آئی اے کے مسافر ضمیر حسین نے منت سماجت کرنے کے بعد پی آئی اے کو خیال آیا تو مسافر کا سامان پی آئی اے کی تیسری پرواز 650 کے ذریعے لاہور سے اسلام آباد منگوا کر مسافر کو فراہم کر دیا۔