اسلام آباد (مانیٹرنگ ڈیسک) پاکستان تحریک انصاف کے اجلاس میں شرکاء نے عوامی مسلم لیگ کے سربراہ شیخ رشید احمد کو ان کی سالگرہ پر مبارکباد دی۔ پیر کے روز بنی گالہ میں پاکستان تحریک انصاف کے اجلاس کے دوران تحریک انصاف کے سربراہ عمران خان نے عوامی مسلم لیگ کے سربراہ شیخ رشید احمد سے مکالمہ بھی کیا۔ اس موقع پر عمران خان نے شیخ رشید احمد کو مخاطب کرتے ہوئے کہا ’’ شیخ صاحب ہم آپ کی عمر درازی اور صحت کے لئے دعا گو ہیں ، ہمیں زیادہ سے زیادہ وقت دیا کریں۔ اپ جس طرح سپریم کورٹ میں کیس لڑ رہے ہیں وہ قابل تعریف ہے‘‘۔