اسلام آباد (آئی این پی ) وزیر داخلہ چوہدری نثار علی خان نے خیبر پختونخوا سے رابطے والی سڑکوں سے تمام رکاوٹیں ہٹانے کا حکم دے دیا۔ہفتہ کو ترجمان وزارت داخلہ کے مطابق صرف موٹر وے پر رات گئے محدود رکاوٹ اس لیے کی گئی کیونکہ گذشتہ شب تقریبا نو سو افراد پر مشتمل ایک مسلح جتھے نے اسلام آباد آنے کی کوشش کی۔انہوں نے کہاکہ اٹک پل پر روکنے پر مسلح جتھے کی پولیس کے ساتھ ہاتھا پائی ہوئی اور اس دوران مقامی ایس ایچ او کو بھی زدوکوب کیا گیا پولیس کی مزید کمک آنے پر مسلح افراد کا جتھا واپس چلا گیا۔انہوں نے کہاکہ صورتحال نارمل ہونے پر خیبر پختونخواہ کو اسلام آباد سے ملانے والی سڑکوں سے تمام رکاوٹوں کو مکمل طور پر ہٹایا جا رہا ہے۔

موضوعات:وزارت داخلہ