اسلام آباد (مانیٹرنگ ڈیسک) 2نومبر کے دھرنے کی تیاریاں ان دنوں عروج پر ہیں اور پاکستان تحریک انصاف اس وقت فل فارم میں نظر آرہی ہے ۔ دھرنے کے کرتا دھرتا لوگوں میں سرفہرست ا س وقت عوامی لیگ کے رہنما شیخ رشید ہیں جو پاکستان تحریک انصاف کی جانب سے آئندہ چند دنوں میں ہونے والے اسلام آباد لاک ڈائون کے حوالے سے اپنا لائحہ عمل ٹی وی چینلز کے ذریعے عوام اور خواص تک پہنچا رہے ہیں مگر سوشل میڈیا پر وائرل ہونے والی ایک ویڈیو میں شیخ رشید کے ایک جملے نے ہلچل مچا دی ہے ۔ تفصیلات کے مطابق ایک نجی ٹی وی چینل پر اینکر پرسن وسیم بادامی سے فون پر گفتگو کرتے ہوئے شیخ رشید اضطراری طور پر عمران خان کو پاگل کہہ گئے ۔ فون پر ہونے والی گفتگو میں واضح طور پر شیخ رشید کی جانب سے عمران خان کو پاگل کہتے سنا جا سکتا ہے جبکہ شیخ رشید یہ نہیں جانتے تھے کہ پروگرام لائیو جا رہا ہے اور وہ آن ایئر ہو چکے ہیں ۔

موضوعات:شیخ رشید عمران خان