اسلام آباد(مانیٹرنگ ڈیسک) چودھری شجاعت شجاعت پاکستان مسلم لیگ ق کے بلامقابلہ صدر منتخب ہو گئے۔انٹراپارٹی انتخابات کے بعد میڈیاسے گفتگوکرتے ہوئے سینیٹرچوہدری شجاعت نے اسلام آباد بند کرو کال میں تحریک انصاف کے شانہ بشانہ کھڑے ہونےکا اعلان کیاجبکہ پرویز الہی نے کہاکہ جب ہم تمام اپوزیشن کو شرکت کی دعوت دے رہے ہیں تو خود کو کیسے باہر رکھ سکتے ہیں۔اس سے قبل پارٹی کے چیف الیکشن کمشنر کامل علی آغا نے پارٹی انتخابات منعقد کرائے چودھری شجاعت مسلم لیگ ق کے بلامقابلہ صدر اور پرویز الہی پنجاب سے پارٹی صدر منتخب ہوئے ۔ جنرل کونسل نے پارٹی انتخابات تین سال کی بجائے 4 سال بعد کروانے کی قرار داد بھی منظور کی۔ میڈیا سے بات کرتے ہوئے چوہدری پرویز الہی نے کا کہ حکومت مخالف تحریک میں تمام اپوزیشن کو پی ٹی آئی کا ساتھ دینا چاہیے۔ چوہدری پرویز الہی نے کہا کہ سانحہ ماڈل ٹاؤن میں 16 افراد کی شہادت آج بھی عوام کو یاد ہے۔انہوں نے کہاکہ حکمران اپنی نااہلی کی وجہ بڑے بڑے حادثات کوبھول رہے ہیں جوکہ ان کے اقتدارمیں آخری کیل ثابت ہونگے ۔