کراچی(این این آئی) کراچی کی مقامی عدالت نے جعلی ڈگری کیس میں ایگزیکٹ کے سی ای او شعیب شیخ سمیت 17ملازمین پرفرد جرم عائد کردی ہے ۔ہفتہ کو کراچی کی مقامی عدالت میں جعلی ڈگری کیس کی سماعت ہوئی ۔عدالت نے ایگزیکٹ کے سی ای او شعیب شیخ سمیت 17ملازمین پر فرد جرم عائد کرتے ہوئے آئندہ سماعت پر گواہوں کو طلب کرلیا ہے ۔مقدمہ میں تمام ملزمان ضمانت حاصل کرچکے ہیں۔ملزمان کے خلاف جعل سازی. فراڈ اور دھوکہ دہی کی دفعات کے تحت مقدمہ قائم کیا گیا تھا۔عدالت نے کیس کی سماعت 21 اکتوبر تک ملتوی ہے ۔