واشنگٹن(نیوزڈیسک)چاراہم پاکستانی شخصیات اور ان کی کمپنیوں پر پابندیاں عائد،امریکہ نے بڑا قدم اُٹھالیا،تفصیلات کے مطابق امریکا نے منی لانڈرنگ کے الزامات پر چار پاکستانی شہریوں اور ان کی کمپنیوں کو بلیک لسٹ کر دیا۔ امریکی محکمہ خزانہ نے عبید خانانی، حذیفہ خانانی، جاوید خانانی اور عاطف پولانی کو بلیک لسٹ کرتے ہوئے ان چاروں افراد کی کمپنیاں بھی بلیک لسٹ کر دی ہیں۔ یہ کمپنیاں پاکستان اور متحدہ عرب امارات میں قائم ہیں اور ان پر منشیات فروشوں کی منی لانڈرنگ کے الزامات ہیں۔ امریکی محکمہ خزانہ کے مطابق ان چار افراد کی کمپنیاں چینی، کولمبین اور میکسیکو کے جرائم پیشہ افراد کی منی لانڈرنگ کرتی تھیں۔ عبید خانانی امریکا میں منی لانڈرنگ کے الزام پر گرفتار ہونے والے الطاف خانانی کے بیٹے، حذیفہ خانانی اْن کے بھتیجے جبکہ جاوید خانانی بھائی ہے۔

موضوعات:امریکہ