اسلام آباد(مانیٹرنگ ڈیسک) پاکستان مسلم لیگ نواز کے رہنما طلا ل چوہدری نے پریس کانفرنس کرتے ہوئے پاکستان تحریک انصاف کے سینئر رہنما جہانگیر ترین پر الزام لگایا ہے کہ قومی اسمبلی میں للکارنے والے جہانگیر ترین اصل میں میاں برادران سے چھپ چھپ کر ملتے بھی ہیں اور ان سے معافیاں  بھہی مانگتے ہیں ۔
تفصیلات کے مطابق مسلم لیگ نواز کے رہنما نے کہا کہ جہانگیر ترین چاہے جو بھی کر لیں سپیکر قومی اسمبلی نے ان کے خلاف ریفرنس بھجوا دیا ہے اور اب کوئی دھرنا دھمکی احتجاج یا کوئی ٹوٹکہ بھی ان کو نہیں بچا سکے گا۔ طلال چوہدری نے پی ٹی آئی چیئرمین پر بھی خوب تنقید کرتے ہوئے کہا کہ پاکستان مسلم لیگ میں کوئی چور نہیں ہے بلکہ آپ جو چو ر چور کے الزام لگاتے ہیں ، وہ چور ہمارے نہیں آ پ کے آس پاس کھڑے ہیں۔