اسلام آباد (این این آئی)پاکستان میں امریکی سفیر ڈیوڈ ہیل نے اسلام آباد میں واقع سفارت خانے اور شہریوں سے آن لائن رابطے کیلئے نئی ویب سائٹ کا افتتاح کر تے ہوئے اپنے پیغام میں تمام لوگوں کو امریکہ اور پاکستان کی مشترکہ جدوجہد اور دونوں ملکوں کے درمیان شراکت کو مزید مضبوط بنانے کے لئے دونوں اقوام کے تعاونسے متعلق آگہی کے لئے امریکی سفارتخانہ کی نئی ویب سائٹ دیکھنے کی دعوت دی۔ ا امریکی سفارتخانہ کی نئی ویب سائٹ پر امریکی ویزہ، ملازمتوں کے مواقع اور پریس ریلیزسمیت تمام اہم معلومات پیش کی گئی ہیں ٗویب سائٹ پر پاکستان میں موجود امریکی شہریوں کوپاسپورٹس سے متعلق معلومات بھی مہیا ہوں گی۔ کاروباری افراد پاکستان اور امریکہ میں کاروبار سے متعلق معلومات حاصل کرسکتے ہیں اور طلبہ امریکہ میں تعلیم حاصل کرنے سے متعلق مزید معلومات سے مستفید ہوسکتے ہیں۔ امریکی سفارتخانہ کی نئی ویب سائٹ پر تینوں امریکی قونصل خانوں اور انکی جانب سے فراہم کی جانے والی خدمات اور پاکستان میں کام کرنے والے لنکن کارنرز سے متعلق معلومات بھی فراہم کی گئی ہیں۔