اسلام آباد(این این آئی) پاکستانیوں کےلئے کویتی ویزوں کے اجراء،چوہدری نثار نے دوٹوک موقف اپنالیا-وفاقی وزیر داخلہ چودھری نثار علی خان نے کہا ہے کہ کویت میں مقیم پاکستانی ملک کا اثاثہ ہیں انکے مسائل کے حل پر خصوصی توجہ دی جائے۔وفاقی وزیر داخلہ نے یہ بات کویت میں پاکستانی سفیر غلام دستگیر سے ملاقات میں گفتگو کرتے ہوئے کہی۔ ملاقات میں پاک کویت تعلقات اور مختلف امور میں جاری دو طرفہ تعاون ،سرکاری اور سفارتی پاسپورٹس ویزے کے استثنیٰء کے دو طرفہ معاہدے ،پاکستانیوں کیلئے کویتی ویزوں کے اجراء اور ا ن کیلئے ملازمت کے مزید مواقعوں پر بات چیت کی گئی۔وفاقی وزیر داخلہ نے کہا کہ پاکستان کویت کیساتھ اپنے تعلقات کو بہت اہمیت دیتا ہے تاہم کسی دو طرفہ معاہدے کی افادیت اسی صورت ممکن ہے جب دونوں اطراف سے اس پر من و عن عمل کیا جائے۔وفاقی وزیر نے پاکستانی سفیر کو ہدایت کی کہ کویت میں مقیم پاکستانی ملک کا اثاثہ ہیں ا ن کے مسائل کے حل پر خصوصی توجہ دی جائے۔