اسلام آباد(مانیٹرنگ ڈیسک) وزیر اعظم میاں نواز شریف کے جہانگیر ترین کی تقریر پر ایوان سے اٹھ کر چلے جانے اپوزیشن برہم، تفصیل کے مطابق وزیر اعظم نواز شریف رہنما تحریک انصاف جہانگیر ترین کی تقریر شروع ہوتے ہی قومی اسمبلی سے اٹھ کر چلے گئے۔ اپوزیشن اراکین صرف نعرے لگاتے رہ گئے اور یہ کہتے نظر آئے کہ ہماری بات سنی جائے۔ ایم کیو ایم رہنماء خالد صدیقی نے قومی اسمبلی اجلاس میں نواز شریف سے بات کرنا چاہی تو سپیکر ایاز صادق نے ان کا مائیک بند کر دیا۔ نجی ٹی وی رپورٹ کے مطابق ایاز صادق سپیکر کے عہدے پر ہوتے ہوئے جانبداری کا مظاہرہ کر رہے ہیں۔ واضح رہے کہ اس سے قبل عمران خان قومی اسمبلی میں تقریر کرنے آئے تھے تو ایاز صادق اپنی نشست چھوڑ کر چلے گئے تھے۔

موضوعات:ایاز صادق