اسلام آباد (مانیٹرنگ ڈیسک )پاکستان تحریک انصاف کے رکن قومی اسمبلی جہانگیر خان ترین نے کہا ہے کہ مجھ پر لگائے گئے الزامات کا حقیقت سے کوئی تعلق نہیں ٗکبھی قرضہ معاف نہیں کرایا ٗکوئی بھی غیر قانونی کام کرے وہ غیر قانونی ہوگا، میں اپنے حق میں ہر فورم پر بات کروں گا۔
جمعہ کو قومی اسمبلی کے اجلاس کے دوران ذاتی وضاحت پر جہانگیر خان ترین نے کہا کہ شوکاز نوٹس اور خط میں فرق ہوتا ہے ٗ مجھ پر لگائے گئے الزامات کا حقیقت سے کوئی تعلق نہیں ٗ میری کسی کمپنی نے کبھی قرضہ معاف نہیں کرایا‘ جن دو کمپنیوں کی بات ہو رہی ہے وہ ہارون اختر خان کی ہیں ٗایک کمپنی پہلے ہی ختم ہو چکی ہے۔ انہوں نے کہا کہ کوئی بھی غیر قانونی کام کرے وہ غیر قانونی ہوگا، میں اپنے حق میں ہر فورم پر بات کروں گا۔