راولپنڈی (مانیٹرنگ ڈیسک)آپریشن ضرب عضب کے دوران مسلح افواج کے جری جوانوں اور عظیم پاکستانی قوم کے بیٹوں اور بیٹیوں کے ساتھ ناقابل فراموش واقعات پیش آئے، ایک ایسے ہی سچے واقعے کی آئی ایس پی آر نے فلم بندی کی ہے۔آئی ایس پی آر کی طرف سے بنائی گئی مختصر دورانیے کی فلم میں آپریشن ضرب عصب کے دوران دہشت گرد ایک علاقہ مکین پر مخبر کا الزام لگا کر اس پر سزائے موت کی حد لگاتے ہیں۔دہشت گردوں کے طرف سے ناحق شہید کئے جانے والے علاقہ مکیں کی بیٹی یہ سارا منظر بوجھل دل اور نمناک آنکھوں سے دیکھتی ہے مجبور اور لاچارگی اس انتہا پہ ہوتی ہے کہ بیٹی کو اپنے بابا کی لاش بھی خود دفنانی پڑتی ہے۔
بابا کی لاش دفنانا بیٹی کا جرم کہلاتا ہے جس کی سزا زبردستی کی شادی ہوتی ہے۔ شادی بھی ایسی کہ نہ پھولوں کی سیج نہ ہمجھولیوں کے گیت، نہ باپ کی شفقت، نہ ماں کے آنسو بلکہ ایک قید خانہ۔قید خانے ہی سے اس وقت باہر کا منظر کا بدلتا ہے، جب پاک فوج کے جوان ، دہشت گردوں پر آندھی اور طوفان بن کر چھا جاتے ہیں گولیاں کی بوچھاڑ میں کئی دہشت گرد مارے جاتے ہیں۔گولیوں کی گھن گرج ہی میں زنداں میں قید بیٹی تک پاک فوج کا ایک جوان پہنچ جاتا ہیلیکن پھر منظرہمیشہ، ہمیشہ کیلئے بدل جاتا ہے،ہاں کچھ یادیں رہ جاتی ہیں۔وہ یادیں جو شام غم ڈھلنے اورسفر زیست جاری رہنے کا پیغام ہیں۔