اسلام آباد(مانیٹرنگ ڈیسک) نجی ٹی وی پروگرام میں سینئر تجزیہ نگار و صحافی نے اہم انکشاف کر دیا۔ نجی ٹی وی پروگرام میں گفتگو کرتے ہوئے سینئر صحافی و تجزیہ نگار کا کہنا تھا کہ ایم کیو ایم کے بیرسٹر فروغ نسیم نے ایک صحافی کو بتایا ہے کہ فاروق ستار اور الطاف حسین کی روزانہ بات چیت ہوتی ہے۔ سینئر صحافی و تجزیہ نگار عارف نظامی نے کہا کہ یہ تو وہی بات ہے کہ ’’وچوں وچوں کھائی جا‘ اتوں رولا پائی جا‘‘ ۔ عارف نظامی نے کہا کہ عمران خان نے جو کراچی مین نواز شریف کے بارے میں باتیں کی وہ گونگلوؤں سے مٹی جھاڑنے والی بات ہے، اصل میں عمران خان کراچی میں اپنی جگہ بنانا چاہتے ہیں۔ عارف نظامی نے کہا کہ یہ منافقت ہے کہ الطاف حسین سے فاروق ستار کا رابطہ ختم ہو گیا ہے۔ عارف نظامی نے کہا کہ الطاف حسن کی ہدایت پر ہی فاروق ستار عمل کر رہے ہیں۔