اسلام آباد(مانیٹرنگ ڈیسک) سینئر صحافی اور تجزیہ نگار فرخ سلیم نے انکشاف کیا ہے کہ ورلڈ بینگ ڈیٹا کے مطابق نواز شریف چار بڑی کمپنیوں کے غیر قانونی مالک ہیں۔

تفصیلات کے مطابق نجی ٹی وی چینل کے پروگرام میں گفتگو کرتے ہوئے ان کا کہنا تھا کہ ورلڈ بنک اور یونائٹڈ نیشل آفس آف ڈرگ اینڈ کرائم کنٹرو ل کی جانب سے بنائے گئے ادارے سٹولن ایسیٹ ریکوری انیشیٹیو کی ویب سائٹ پر نواز شریف کو کیس نمبر دیا گیا ہے ۔ جس کے مطابق نواز شریف جن کا کیس نمبر 147 ہے اور ان کے مالک نواز شریف ہیں نیسکال، نیلسن ، شیمراک اور ایک کمپنی کے بینیفیشل آنر نواز شریف ہیں ویب سائٹ کے مطابق اس کے قانونی مالک کا نام نا معلوم ہے مگر اس کے بینفیشل آنر نواز شریف ہیں اور یہ تمام تفصیلات اس ویب سائٹ پر موجود ہیں ۔ اس کے علاوہ ڈاکٹر فرخ سلیم نے مزید الزام لگایا کہ نواز شریف کئی ممالک میں درجن سے زائد کمپنیوں کے مالک ہیں ۔