اسلام آباد (این این آئی) محکمہ موسمیات نے آئندہ 24گھنٹوں کے دوران ملک کے بیشترعلاقوں میں موسم گرم اور خشک رہنے کی پیشن گوئی کرتے ہوئے کہا ہے کہ کشمیر میں بعض مقامات پر بارش کا امکان ہے۔فورکاسٹنگ آفیسر محمد فاروق کے مطابق آئندہ 48گھنٹوں کے دوران ملک کے بیشتر علاقوں میں موسم گرم اور خشک رہے گا۔انہوں نے بتایا کہ گزشتہ 24گھنٹوں کے دوران ملک کے بیشتر علاقوں میں موسم خشک اور گرم رہا تاہم لاہور ڈویژن میں چند مقامات پر بارش ہوئی۔ لاہور میں08ملی میٹر بارش ریکارڈ کی گئی۔گزشتہ روز ریکارڈ کیے گئے گرم ترین مقامات ٗنوکنڈی میں درجہ حرارت 43، دالبندین 42،نورپورتھل41 ڈگری ٗ لاہور میں کم سے کم 27، کراچی 26، اسلام آباد 24، پشاور 25، کوئٹہ 19، گلگت 14، چترال 17اور ہنزہ میں 13ڈگری سینٹی گریڈرہنے کا امکان ہے۔