کراچی(مانیٹرنگ ڈیسک) نئے وزیر اعلی سندھ مراد شاہ اپنا منصب سنبھالتے ہی نئی مشکل میں پھنس گئے ہیں جس کی وجہ سے ان پر تنقید کا سلسلہ شروع ہوگیا ہے، آج انہوں نے اپنی کابینہ کے ہمراہ مزار قائد اور بھٹو کے مزار پر حاضری دینا تھی، جب وزیراعلی سندھ قائد اعظم کے مزار پر پہنچے تو سب لوگوں نے فاتحہ کے لیے ہاتھ اٹھائے لیکن مراد شاہ نے دعا کرنے کی بجائے اپنے ہاتھ باندھے رکھے، تاہم جب وہ بھٹو کے مزار پر لاڑکانہ پہنچے تو انہوں نے نہ صرف ہاتھ اٹھائے بلکہ دعا بھی کی۔
وزیر اعلی سندھ کی اس حرکت کو سوشل میڈیا پر انتہائی ناپسندیدگی کی نگاہ سے دیکھا جارہا ہے اور ان پر اس ضمن میں کڑی تنقید کی جار ہی ہے۔عوامی ، سماجی ، سیاسی حلقوں کا کہنا ہے کہ نئے وزیر اعلیٰ سندھ نے مزار قائد پر انتہائی بدد دلی سے حاضری دی اور دعا کیلئے ہاتھ نہ اٹھا کر قوم کو بد ترین پیغام دیا۔ اس کے برعکس ذوالفقار علی بھٹو کے مزار پر مراد علی شاہ کے چہرے پر ڈھیروں خوشیاں پھوٹ رہی تھیں اور وہاں انہوں نے باقاعدہ پھولوں کی چادر چڑھانے کے بعد ہاتھ اٹھا کر دعا بھی کی۔ سماجی رابطوں کی ویب سائٹ پر لوگوں کی بڑی تعداد نے کڑی تنقید کرتے ہوئے کہا کہ مراد علی شاہ اب عوام کیلئے براہ راست قابل توجہ ہیں ۔ لیکن ان کے اس طرح کے اقدمات انتہائی قابل شرم ہیں۔

موضوعات:مزار قائد اعظم وزیر اعلی سندھ مراد شاہ