ملتان(آئی این پی)سینئرسیاستدان مخدوم جاوید ہاشمی نے سماجی شخصیت عبدالستار ایدھی کو خراج تحسین پیش کرتے ہوئے وفات کے بعد اپنی آنکھیں بھی عطیہ کرنے کا اعلان کردیا۔ملتان میں اپنی رہائشگاہ پر میڈیا سے گفتگو کرتے ہوئے مخدوم جاویدہاشمی نے کہا کہ ایدھی صاحب پاکستان کا عظیم سرمایہ تھے۔ مرحوم عبد الستار ایدھی نے لوگوں کے دلوں پر عوامی خدمت کے جذبے کے تحت حکومت کی۔ یہی وجہ ہے کہ آج ہر دل ان کی وفات پر سوگوار ہے۔اس موقع پرا نہوں نے عبدالستار ایدھی کو خراج تحسین پیش کرتے ہوئے وفات کے بعد اپنی آنکھیں بھی عطیہ کرنے کا اعلان کیا۔