کراچی(مانیٹرنگ ڈیسک) وزیراعلیٰ سندھ سید قائم علی شاہ نے دعویٰ کیا ہے کہ مقتول قوال امجد صابری پر گولی چلانے والے شخص کو بہت جلد پکڑلیا جائے گا۔ جمعرات کو میڈیا سے گفتگو کرتے ہوئے قائم علی شاہ نے کہا کہ چیف جسٹس کے بیٹے اویس شاہ کے اغواء کا معاملہ انتہائی اہم ہے اس لئے اس کے حل ہونے میں کچھ وقت لگ سکتا ہے۔ امجد صابری قتل کیس میں کچھ لوگوں کو گرفتار کیا ہے اور گولی چلانے والے کو بھی جلد حراست میں لیا جائے گا۔ وزیر داخلہ چوہدری نثار علی خان پر تنقید کرتے ہوئے ان کا کہنا تھا کہ چوہدری نثار علی خان غلط زبان استعمال نہ کریں۔