لاہور( این این آئی )افغانستان کی طرف سے پاکستان میں تحریبی کارروائیوں کیلئے 80سے100 دہشتگردوں کو تیار کئے جانے کا انکشاف ہوا ہے ،جنہیں افغان نیشنل آرمی اورحکومتی اداروں کی پشت پناہی حاصل ہے ۔نجی ٹی وی کے مطابق پاکستان میں دہشتگردی کے لئے افغان دہشتگردوں اور اداروں کا گٹھ جوڑ سامنے آ گیا۔ محکمہ داخلہ پنجاب کے مراسلہ کے مطابق جماعت الاحرار کے 80سے 100دہشتگردپاکستان میں کارروائیوں کے لئے تیار کئے گئے ہیں ۔ دہشتگردوں کو افغان نیشنل آرمی اور حکومتی اداروں کی پشت پناہی حاصل ہے ۔ خفیہ مراسلہ وزارت داخلہ پنجاب نے صوبے بھر کے پولیس افسران کو بھجوا دیا ہے۔