کابل (این این آئی)پاک افغان کشیدگی،پاکستان کی پیشکش پر افغانستان کا حیرت انگیز جواب،دعوت وزیرخارجہ کو دی گئی بھیجا نائب وزیرخارجہ کو جائیگا،افغان حکومت نے طور خم سرحد پر جاری کشیدگی ختم کرنے کیلئے مذاکرات سے متعلق پاکستان کی دعوت قبول کر لی ہے ۔ مشیر خارجہ سرتاج عزیز نے جمعرات کو قومی اسمبلی سے خطاب کرتے ہوئے کہا تھا کہ انہوں نے افغان وزیر خارجہ صلاح الدین ربانی اور قومی سلامتی کے مشیر حنیف اتمر کو فون کر کے پاکستان کا دورہ کرنے کی دعوت دی ہے ۔ افغانستان کے قومی سلامتی کونسل کے ترجمان تواب غورزنگ نے جمعے کو کہا کہ افغانستان نے فیصلہ کیا ہے کہ نائب وزیر خارجہ کو مذاکرات کیلئے اسلام آباد بھیجا جائے گا ۔ انہوں نے تصدیق کی کہ سرتاج عزیز نے افغانستان کے وزیر خارجہ اور قومی سلامتی کے مشیر کو فون کر کے مذاکرات کی پیشکش کی تھی ۔