اسلام آباد(خصوصی رپورٹ) نجی ٹی وی کے پروگرام میں سینئر سیاستدان و سابق وفاقی وزیر نبیل گبول نے بڑا دعویٰ کر دیا، نبیل گبول نے کہا کہ میاں نواز شریف جتنا اعتبار اسحاق ڈار پر کرتے ہیں اتنا کسی پر بھی نہیں کرتے ، نواز شریف کو شہباز شریف سے زیادہ اعتماد اسحاق ڈار پر ہے، سینئر سیاستدان نے کہا کہ وزیر اعظم نواز شریف چوہدری نثار کے ساتھ بھی ’’ایزی‘‘ نہیں ہیں۔ لوگ کہتے ہیں کہ وزیر اعظم چوہدری نثار کو بننا چاہئے کیونکہ وہ واحد شخص ہیں جو بے داغ ہیں جن پر کوئی الزام نہیں۔ مسلم لیگ (ن) کے لوگ بھی چاہتے ہیں کہ چوہدری نثار کو وزیر اعظم بنایا جائے ۔ نبیل گبول نے کہا کہ موجودہ حالات میں میری دو رائے ہیں ، یا تو چوہدری نثار وزیر اعظم بنیں گے یا پارلیمنٹ گھر چلی جائے گی۔