اسلام آباد (آئی این پی ) محکمہ موسمیات نے آئندہ چوبیس گھنٹوں کے دوران لاہور ، گوجرانوالہ اور فیصل آباد سمیت کئی علاقوں میں رم جھم کی پیش گوئی کی ، راولپنڈی ، اسلام آباد اور سرگودھا میں ہونیوالی بارش نے موسم حسین بنا دیا۔ گوجرانوالہ ، فیصل آباد ، سرگودھا اور پشاور سمیت مختلف شہروں میں بھی بارش کا امکان ہے۔ راولپنڈی اور اسلام آباد میں رات کے وقت بادل جم کر برسے۔ سرگودھا اور بہاولپور میں بھی جل تھل ایک ہوگیا۔ موسم کی خبر دینے والے کہتے ہیں رواں سال مون سون کے دوران دس سے بیس فیصد زائد بارشوں کا امکان ہے۔ ملک کے میدانی علاقے شدید گرمی کی لپیٹ میں رہیں گے۔ لاڑکانہ ، جیکب آباد ، نوابشاہ اور سندھ کے مختلف علاقوں میں سورج آگ برسائے گا۔