اسلام آباد (آئی این پی ) محکمہ موسمیات نے کہا کہ آئندہ چوبیس گھنٹوں کے دوران خیبرپختونخوا،پنجاب،کشمیراورگلگت بلتستان میں بعض مقامات پر تیز ہواؤں،آندھی اور گرج چمک کیساتھ بارش کا امکان ہے۔ محکمہ موسمیات کے مطابق ملک کے بیشتر علاقوں میں موسم گرم اور خشک رہیگا تاہم مالاکنڈ،ہزارہ،پشاور،کوہاٹ،راولپنڈی،سرگودھا ڈویژن،اسلام آباد،فاٹا،گلگت بلتستان اورکشمیر میں بعض مقامات پر تیز ہواؤں اورگرج چمک کیساتھ بارش متوقع ہے۔گذشتہ چوبیس گھنٹوں کے دوران سب سے زیادہ گرمی نور پور تھل اور جیکب آباد میں پڑی جہاں درجہ حرارت سینتالیس ڈگری سینٹی گریڈ ریکارڈ کیاگیا۔اس دوران مالاکنڈ،ژوب ڈویژن،فاٹا کشمیر اورگلگت بلتستان میں بعض مقامات پر تیز ہواؤں اور گرج چمک کیساتھ بارش ہوئی۔