ایتھنز (نیوز ڈیسک)‎
یونان میں افغانی اور پاکستانی آپس میں لڑ پڑے ٗ تین افراد زخمی ہوگئے ۔غیر ملکی میڈیا کے مطابق لڑائی میں پتھروں اور ڈنڈوں کا استعمال کیا گیا جس کے نتیجے میں تین افراد شدید زخمی ہو گئے۔ شدید زخمیوں میں دو پاکستانی اور ایک افغان مہاجر شامل ہے۔ ریسکیو ذرائع کے مطابق شدید زخمی ہونے والے ان مہاجرین کو ہسپتال میں طبی امداد دی جا رہی ہے۔ ان مہاجرین کے سر پر شدید چوٹیں آئی ہیں۔ تصادم کے نتیجے میں اچانک خیموں میں آگ لگ گئی جس کی وجہ سے تیس خیمے جل کر خاکستر ہو گئے۔