اسلام آباد(مانیٹرنگ ڈیسک) سینئر تجزیہ نگار نجم سیٹھی نے نجی ٹی وی پروگرام میں گفتگو کرتے ہوئے کہا کہ ’’ ایسے بہت سے لوگ ہیں جو اس قسم کی باتیں کرتے ہیں کہ وزیر اعظم نواز شریف اور چوہدری نثار درمیان غلط فہمیاں پیدا کی جائیں ‘ ان کی کوشش ہوتی ہے کہ چوہدری نثار اور وزیر اعظم کے درمیان دانہ ڈالا جائے‘‘۔ سینئر تجزیہ نگار نے کہا کہ (ن) لیگ نواز شریف کی لیگ ہے ‘ یہ کسی اور کی لیگ نہیں اور چوہدری نثار کو اس بات کا احساس ہے‘ چوہدری نثار مکمل طور پر نواز شریف کے وفادار ہیں ۔ نجم سیٹھی نے کہا کہ یہ نہیں ہو سکتا کہ وزیر اعظم نواز شریف کی چھٹی ہو جائے اور چوہدری نثار کو ان کی جگہ دے دی جائے۔چوہدری نثار یہ بات قبول نہیں کریں گے۔