اسلام آباد (آئی این پی ) محکمہ موسمیات نے کہا کہ آئندہ 24گھنٹوں کے دوران مالاکنڈ، ہزارہ، پشاور مردان، کوہاٹ ڈویژن، فاٹا، گلگت بلتستان اور کشمیر میں کہیں کہیں، کوئٹہ، ژوب، ڈی آئی خان، بنوں،سرگودھا، راولپنڈی، گوجرانوالہ ڈویژن اور اسلام آباد میں چند مقامات پر تیز ہواؤں اور گرج چمک کیساتھ بارش جبکہ بعض مقامات پرژالہ باری کا امکان ہے۔ ملک کے دیگر علاقوں میں موسم بدستور گرم اور خشک رہیگا۔ اس کے علاوہ کوئٹہ، ڈی جی خان، ملتان، کراچی، حیدرآباد، میرپور خاص اور سکھر ڈویڑن میں بعض مقامات پر تیز /گردآلود ہوائیں چلنے کا امکان ہے۔گزشتہ روز ریکارڈ کیے گئے گرم ترین مقامات کے درجہ حرارت میں شہید بینظیر آباد46، پڈعیدن، دادو45، لاڑکانہ، بہاولنگر، اوکاڑہ، روہڑی،سبی،سکھر44 ڈگری سینٹی گریڈ ریکارڈ کیا گیا۔گزشتہ24 گھنٹوں کے دوران مالاکنڈ،ژوب ڈویژن، فاٹا اور گلگت بلتستان میں چند تیز ہواؤں اور گرج چمک کیساتھ بارش ہوئی جبکہ ملک کے دیگر علاقوں میں موسم گرم اور خشک رہا۔سب سے زیادہ بارش پاراچنار50، دیر18، کالام11، میرکھانی07، دروش05، گلگت05، بگروٹ، استور04، چلاس03، ژوب میں 02ملی میٹر ریکارڈ کی گئی۔