اسلام آباد(مانیٹرنگ ڈیسک) وفاقی حکومت نے بھی خیبر پختونخواہ حکومت کے نقشِ قدم پر چلنے کا فیصلہ کر لیا، گزشتہ سال کے پی حکومت نے ون بلین ٹری سونامی پروگرام شروع کیا تھا، امسال بجٹ میں وفاقی حکومت ’’گرین پاکستان پروگرام‘‘ کی مد میں 1 ارب روپے مختص کرے گی جس کے تحت ماحولیاتی تبدیلیوں سے نمٹنے کیلئے درخت لگاؤ مہم شروع کی جائے گی، اس سے قبل کے پی حکومت کی جانب سے جاری ون بلین ٹری سونامی پروگرام کے تحت کروڑوں پودے لگائے جا چکے ہیں اور یہ پروگرام تا حال جاری ہے۔عوامی حلقوں کی جانب سے وفاقی حکومت کے اس فیصلے کو سراہا جا رہا ہے۔