اسلام آباد(مانیٹرنگ ڈیسک) نجی ٹی وی رپورٹ کے مطابق گزشتہ روز محتسب پنجاب کے عہدے سے استعفیٰ دینے کی وجہ سامنے آ گئی‘ محتسب پنجاب جاوید محمود نے سیاسی سرگرمیوں میں حصہ لینے کیلئے استعفیٰ دیا، سابق محتسب پنجاب جاوید محمود آئندہ الیکشن میں پاکستان مسلم لیگ (ن) کے ٹکٹ سے حصہ لیں گے، واضح رہے کہ محتسب پنجاب جاوید محمود نے گزشتہ روز استعفیٰ دے دیا تھا تاہم استعفے کی وجوہات سامنے نہیں آئیں تھیں، اب یہ کہا جا رہا ہے کہ سابق محتسب پنجاب جاوید محمود نے پاکستان مسلم لیگ (ن) کے پلیٹ فارم سے سیاست میں حصہ لینے کیلئے عہدے سے استعفیٰ دیا، سابق محتسب پنجاب جاوید محمود کی مدت ملازمت 2017 ء میں ختم ہونا تھی۔